Sealand zo ur gêriadenn hag ur gumuniezh e biz Kembre, e Sir y Fflint.
N'eus anv kembraek ebet dezhi. Evel m'en diskouez an anv-lec'h (Sea + land) eo savet ar gêriadenn war douaroù a zo bet gounezet war ar mor. Emañ Sealand war ribl an Dyfrdwy, etre Queensferry ha Chester.
Er gumuniezh emañ ivez Sealand Garden City, ur gêriadenn savet e 1910 evit labourerien labouradeg dir John Summers. Serret e voe al labouradeg-se e 1979, ha goude e voe savet Park greantel Glannau Dyfrdwy.
E 2011 e oa 2 996 a dud o chom e kumuniezh Sealand ha 212 anezho a oa kembraegerien (7,5%)[1].
© MMXXIII Rich X Search. We shall prevail. All rights reserved. Rich X Search